AJA DEGUYU
aja deguyu
polah kaya bocah cilik
jas jasan ngomong neng gedung
pating graok neng sompok
gentawang tekan awang awang
aja deguyu
kue anu kebiasaan sing ganu
neng terminal
genthoakan
parat porot nganti celana mlorot
karepan ora kelakon sewot
aja deguyu
agi mangsan demokrasi
apamaning wong sing nganggo udeng udeng
sing maune bocah dolan
utawa demontran
pating mentingkles jagong neng dewan
aja deguyu
tukang adol kecap
disitna lugu
nglalenna karepane rakyat
Februari 2008
KUR WENGI
kur wengi sing gawene gelem
gelar tilam
go lumahna kesel karo susah
5 Jini 2008
KECELE
wong kadang silau
deleng wujud wadag wit mringin
gede katon saguh
nyata kur kena go ngiub
wektu ngaso
kecele karo wit jati
keterangen garing nglingking
ora mitayani
nyata wis mati bae
kena go degawe saka umah
go ngiub urip selawas lawas
5 Jnui 2008
KHIDIR 1
inyong, khidir
sing ngrusak prauku dewek
ning klalen carane golo dandani
iloken musa gelem ngrewangi
daandani prau
kon bisa mlaku
nyigar segara urip
5 Juni 2008
KHIDIR 2
ora dening mang mang
musa ngrewangi khidir
dandani prau
go mlaku
nyigar samudra
ning tekene ucul
kang tangane musa
5 Juni 2008
SAAT LAN KOSONG
kerana saat
kerana kosong
dadekna inyong ko ana
ngebeki wektu
kon urip duwe rega
5 Juni 2008
SEPARO WEKTU
separo wektu
ilang ora ngilangna belang
mlipir mlipir
anatarane mati lan urip
kala kala daging wis kesanding
ilang decolong kucing
separo urip
ora setitik wong golet
kudu karo jumpalit
ning anakalane dunya banduara
teka kur karo mlirik
5 Juni 2008
TAFAKUR
neng wetenge wengi
gemlutuk dada inyong
maca bet bet syair jenengan gusti
ilangna sepi
ilangna atis
murubna ati
angetna hawa
ngungkuli geni
6 Juni 2088
ASMA MU
pikiran ati lan cangkem
tek peksa peksa rapal
asma asma panjenengan gusti
wengi wis turu lali
nyenyet kemulan sepi
urung bae
pikiran ati lan cangkem
kocap werna siji
6 Juni 2008
SUARA LANGIT
swara langit gemrungsung
ngebeki bumi
teka kang mimbar mimbar mesjid
kang selokan pasar
saben wong suka ora liwat
ger ora mencet cungur
swara langit
swara wingit
dadi mambu sangit
ger wong nganggo jubah
ya gantar ya arit
ora eling deobat abit
belani swara langit
lawan degebugi karo sengit
6 Juni 2008
WAHYU KATRESNAN
pengeran nibakna wahyu ketresnan
glondongan neng laukhmakhfud
neng bumi wong perek langit
beber
depretel pretel
karo tauhid dadi narsis
karo fikih dadi formalis
karo ahlak dadi sosialis
umat teyenge mringis
6 Juni 2008
PENYAIR
kang penyair
priwe deneng ora nulis puisi maning
“inyong agi ora duwe gendakan”
jawab penyair ora ngrasa dosa
6 Juni 2008
INYONG KARO KO
neng wengi
inyong karo ko
uleg uleg urip
orak arik kasur bumi
nyakar nyakar langit
neng wengi
inyong neng kene
ko neng kana
puletan
muleti bumi
nyakari langit
uncal uncal wulan
7 Juni 2006
SEWISE KALAH
inyong ko ronce wengi
tamba dedet wulan ngumpet
sewise kalah
ora bisa nahan jejege saka
umah bubrah
pating mencingkar ora genah
inyong ko ronce wengi
tambah dedet wulan ngumpet
delik neng longan langit
krasak krisik metani sing wis
karo gambar go menko ngarep
7 Juni 2008
SUKET ALANG ALANG
inyong mung bisa rengeng rengeng
sekang kadoan
ko dewekan neng langit
inyong dewekan neng bumi
suket alang alang mubeng
ngubengi inyong
sing agi nglumbruk
ora kalah duwur
karo tangane inyong
sing agi nyuwun
7 Juni 2008
WONDER WOMEN
inyong bisane kur pyak pyek
karo gadag gedeg endas
deleng sedina dinane
kaya ora ana matine
balik sawang
arjuna kuwe perkasa
nyata ko langka sing nyana
awan degrayang grayang
mapag wengi
wengi dekuyung kuyung
tekan esuk muput
7 Juni 2008
THE SINGER NOT THE SONG
neng tembang
ebiet nyukil hadis
aja deleng sing ngomong
deleng apa sing domong
nyata ora pada karo kahanan
khususe neng kene
neng negara sing agi mang mang
karo keyakinane dewek
ala becik ora penting
sing penting
sapa sing ngomong
8 Juni 2008
BUKU CILIK ABANG MAO
delah sikile ko setindak
nengarep sikile wong liya
semending cut semending
8 Juni 2008
PRAU PECAH
1
sekang awal bae wis ngambang
segalane degawe gampang
tresna deanggep nutur pang gigal
2
titi mangsane
kur tangga teparo sing deundang
rewangi donga slametan
3
wit jagung urung bae putren
mentiur alum
gagange sempal
4
anu genah banyu karo lenga
depeksa delebokna gebyas
katon meneng ning ora tentrem
14 Juni 2008
UDAN AWAN AWAN
udan nyogok kulit
awak inyong sing tatu
perih tek gawa lunga
slekat slekit ora gelem ilang
senejan ati ora maning kebek impen
tresna ora betah anggrem neng jero raga
14 Juni 2008
DEMEN ORA BISA DESIMPEN
neng cangkem pengine ucul
neng ati nyata kejiret kenceng
mlaku banter
kang kadoan
mung katon mengser
27 Juni 2008
SUKMA YA NGOMONG ORA
kabeh wong ngerti
cirine wengi
apa sing maune katon
dadi kur ireng
peteng
uga awan
maune peteng
dadi padang
maune ora katon
dadi ceta wela wela
senejan andeng andeng
neng githok cilik tur ireng
17 Juni 2008
GUNUNG UCUL KANG BARISAN
ngos ngosan
gempleyeng
endas nungsem
neng gunung kembar
ucul kang barisan
22 Juni 2208
SKENARIO
bocah cilik
lanang wadon
telpon telponan
karo hp limangewuan
detukokna biyung neng pasar
“hallo pak, kiye kepriwe
inyong arep deciduk
ora suwe swise batire rika kae”
“sangkutan apa sih?”
“anu inyong awe duwit 6 M”
“wis gampang, engko tek atur bae”
“carane”
“apen apene ko tek tangkep
masalah cilik
inyong wis pengalaman
kawit ganu jamane orde baru”
dopokan cah cilik
lanang wadon
nganggo telpon dolanan
katon seneng ora ana beban
Juni 2008
KESENGSEM
ko ora kur katon
ger agi jagong
agi ngomong
agi mangan
agi nginum
agi turu
agi adus
agi nglamun
ning uga katon
ngancane pengeran
angger agi sujud
wektu inyong sembahyang
22 Juni 2008
INYONG UDU GOLEK
inyong udu golek
sing bisa sekepenake ko
dewudani deklambeni
nyenengna ati
inyong udu golek
sing bisa sekarepmu
deblebak blebekna banyu
karo guyu
inyong udu golek
sing kur go nyenengna
nepsune ko dewek
24 Juni 2008
NENG SIKIL LANGIT
; ziarah mbah Munthaha
akeh wong nyimpen urip kengarep
neng puncrit gunung
tlikang tlikung
manjat mudun
dadi bukti
bekti sing pungkas
nyimpen urip kengarep
neng sikil langit
duwe karep
perek karo sing gawe urip
Wonosobo, 2008
DE LER
mbuh tresna
mbuh nepsu
jelas inyong melu tuku
de ler
de jemreng
wong kloron
senejan urung ana cekelan
waton ngelangi urip
udag udagan wektu
kemrokos mathoki bamba
nikmat rasane
ning embuh mengko akibate
28 Juni 2008
WW
ko justru tek sawang
sewalike neng inyong
karo sing dedeleng wong
ala becik pengine domong
apamaning ala
kaya kaya sedina ora pol pol
urip sing deadepi
wong lanang bakal pasrah
nyata ko saka jati
keker ora ngresulah
ko wong wadon
ning udu wong tua neng padon
wong wadon lumrahe depilih
khusus ko wong wadon
mestine kudu milih
Juni 2008
REMUK AJUR
; ewang ewngan
anu wis renteng
esih depeksa deenggo
go nginumi urip
sing kawit awal wis jomplang
anu wis renteng
go wadah banyu
gelas beling beleri
ora lara ning semreset
apa maning ger kena banyu
palangapa ganti
sing anyar ana
ora a sing ora renteng
pirang pirang pilihan
anu wis renteng
kesenggol gigal pecah
remuk ajur
kepidek wong
malah dadi mala
29 Juni 2008
PANG TUGEL
kawit ko nugel
pang ketresnan
aurora seneng
minggat kang awak
kucel katon sebel
1 Juli 2008
LEHA LEHA
diudari disit jiretan
sing nyrimpedi mlakune ko kuwe
inyong ora pengin weruh ko rekasa
nyeret nyeret awak mbok gawe lara
anu jiretan wis kendo ikih
ko dewek teyeng nguculi
aja ngenteni deculi
aja wedi desalahna
wonga nyata ko sing deumpa umpa
deudari disit jiretane
men inyong karo ko
bisa jagong bareng
leha leha
4 Juli 2008
NUT BURI
nut buri karepmu
kudu landung ati lan sabarku
nut buri karepmu
wektu katon mlayu mlayu
nut buri karepmu
kedungsak dungsak nepsuku
5 Juli 2008
ATI SING DECUIL CUIL
abong abong anu meksa
pengen seneng bae
kudu ngrasakna lara
saben ketemu ora jere lega
malah krasa decuil cuil
lambemu sing klimis tur manis
Juli 2008
INYONG KUDU NGACA
inyong kudu ngaca
lan emut inyong kuwe sapa
ngranggeh lintang
adoh melah meluh neng duwur kana
- tangan buntung
urip ora perek karo pak untung
inyong kudu ngaca
lan emut inyong kuwe sapa
ngranggeh lintang
adoh melah meluh neng duwur kana
- ora kur cukup karo keyakinan
uga cinta
apamaning kur ngarep arep lintang
tiba
21 Juli 2008
HA.... HA.... HA.... HAAA
kaya kiye rasane
detinggal demenan
ati geseng ndas pengine mubeng
gulang guling mata ora gelem merem
mangan iwak rasane adem
guyu ngakak krungune ambar
dedeleng kaya wong edan
Ha...ha...haa...haaa
Ha...ha...haa...haaa
Ha...ha...haa...haaa
23 Juli 2008
SMS
(Seneng Mung Sedela)
dopokan ngalor ngidul
ijal ijol nomer telpon
smsan ngobrol
bukak lawang
ana sing mlebu
bukak bukakan ati
uga klambi
wong ati ning udu nurani
nepsu singawali
nimbang nimbang
esih apik sing wingi
bubar neng dalan
kaya bocah cilik
dolanan pasar pasaran
wis ora seneng detinggal bubar
ora deleng kahanan
ati sing detinggal
23 uli 2008
KEDUNGSAK DUNGSAK
angger ngerti ahire kaya kiye
inyong ora arep kedungsak dungsak
nampani kembang maware ko
kembang kedawan gagang
saking senenge tek gegem kenceng kenceng
ora rasakna lara
senejan eri netesna getih neng tangan
angger ngerti ahire kaya kiye
inyong ora arep kedungsak dungsak
nampani kembang maware ko
nembe siki inyong rasakna perih
murug eri gagang mawar
nunjeb nunjeb ati inyong
25 Juli 2008
DOLANAN GENI
ati inyong wis krasa
arep kaya kiye ahire
ning ora keduga
sejero kiye tatune
ko karo inyong sadar
agi dolanan geni
lan ngerti
sepira perihe keslomod geni
nyata ora kur perih
ning uga geseng ati inyong
keslomod geni sing ko tinggal lunga
26 Juli 2008
JERE WONG BIJAK
dadia wong sing kepelu rombongan
sing jumlahe semending
semending biasane kue anu sing apik
kaya wong ngudag udag dunya
akeh wong detilalahi kelara lara
anu sebab yakin kur banda
bisa dadekna urip duwe rega
wong katon bahagia
ger urip kedunungan harta
apa apa depengini ana
ning inyong pengin urip
ora pada karo sing ana
inyong pengin dadi wong
nengarepe dunya sing agi mlayu
6 Agustus 2008
DONGA KELAYU
1
Ya Allah
Aja ngasi sempilan ati inyong
marani sega wadang
2
Ya Allah
Aja ngasi sempilan ati inyong
teklek tiba kalen
3
Ya Allah
Aja ngasi sempilan ati inyong
nambal gelas pecah
14 Oktober 2008
KEYUNGYUN
remukan ati
sing ko tinggal lunga
esih mambrah mambrah
neng pojokan tatu nganga
sing nguja ko siram banyu
kebek uyah
15 Oktober 2008
WELAD
tembang d'masiv
diantara kalian
wis kaya ambekan karo hawa
langka sing bisa misahna
kejaba pati
nyata tresna bae
ninggalna perih
seperih welad nyeset ati
16 Oktober 2008
PANGON
baline pangon
sore ger lambe abang langit
wis dobleh
weduse wis butung
gagian dekandangna
karo ngesuk ngemben
kepriwe kon aja pada mangan
tandurane tangga
(kyai lan ulama ketungkul
ngurusi babagan liya........)
2008
ORA ANA WEKTU
mendung lan udan
ngaling ngalingi inyong
deleng sorote lintang
iloken wis ora ana maning wektu
nyawang lintang mesem
kambi jagong uncang uncang
18 Oktober 2008
MONTANG MANTING
ko ger patuttah deguyu
montang manting
nyetir urip dewekan karo mlayu
kaya tukang akrobat
apa apa neng wong dadi masalah
nengko malah dadi dalan
sing sering deambah
2008
Tidak ada komentar:
Posting Komentar
Catatan: Hanya anggota dari blog ini yang dapat mengirim komentar.